میرزا علی معجز
(1252 ـ 1313)
(1873 ـ 1934)
رسول پیگیر هومانیسم، رنسانس و روشنگری
ویرایش، ترجمه و تحلیل از
میمحا نجار
(دیوان
معجز شبستری، جلد اول، صفحۀ 130)
·
مجلس عشرتده ـ دائم ـ ساز و تار اولسون گرک
·
عارض گلناره بنزه ر، بیر نگار اولسون گرک
·
دلبرین زلفی، شب یلدا، جمالی، چلچراغ
·
لب لری خوشرنگ، وضعی، آبدار اولسون گرک
·
یازدیلار بومصراعی بیر نامرادین داشینا:
·
«نفسینه مغلوب اولان، خاک ایچره خوار اولسون گرک.»
·
صاحب وجدان اولان، هم نوعینی خوار ایسته مز
·
بیر پریشان حال گورجک، بیقرار اولسون گرک
·
·
بیر جوانین من دونن گوردیم جیبینده یوز تومن
·
ایندی بیر دیناری یوخ، باعث قومار اولسون گرک
·
واعظ بی مدرکین باشی نه قدر زنده دور
·
کنج غربتده، جوانلار اختیار اولسون گرک
·
برفی انبار ایلمیش ـ گوگلرده ـ چون خلاقیمیز
·
یرده ده اعیانیمیز، انباردار اولسسن گرک
·
حق ئوزی عالیمدی، صنعتکار یوخ ایرانده
·
استکان و نعلبکی، گویدن نثار اولسون گرک
·
مصلحت بیلسیدی خالق، خلق ائدردی ماشینی
·
خلق ائدیب ائشکلری، ملت سوار اولسون گرک
·
یا گرک تزویر ائدم، یا باش و جانیمدان گچم
·
عمری باشه وئرمگه، شام و ناهار اولسون گرک
·
رحنه دار اولسون شریعت، پایمال اولسون وطن
·
هر نولور اولسون، مریدیم بیشمار اولسون گرک
·
گئتدی اسلامیت الدن، ای قولاغی توکلیلر
·
تازه مکتبلر بناسی، تار و مار اولسون گرک
·
ای جماعت جمع اولون، «ایغ ـ بیغ» صداسین قطع ائدین
·
«لام ـ زبر ـ لین»، «جیم ـ زیر جین»، پایدار اولسون گرک
·
تازه چیخمیش بو کتابه، بیر تماشا ایلیون
·
بو ایلان، بو قورباغا، بو سوسمار اولسون گرک
·
بو یوغون قویروقلی حیوانی تانیرسیز یا خیر
·
آلتینا یازمیشلا:
·
«تولکی»،
·
حیله کار اولسون گرک
·
بوش یره آلله بلا گونده رمیری بیز میلته
·
یوز بلا و محنته، فاسق دچار اولسون گرک
پایان
ادامه دارد.
ویرایش:
پاسخحذفرخنه دار اولسون شریعت